I preti e u pallo..

Ava ch'elli so scorsi l'anni, mi pare chi vi possu cuntà perche, un ci è piu una partita di pallo u quindeci d'aostu tra i paesi di San Tumasgiu e di San Petru. Oh, di sicuru, un so micca quessi i veri nomi. Ma, saperete chi, tornu ogni tantu in questa pieve et un vogliu riceve qualchi bastunate per avè lampatu in piazza, storie un pocu vergugnose chi i vechji vulerianu sminticà. E cume sti vechji so sempre pronti a falle falà, parlaremu, si vo vulete di San Tumasgiu e di San Petru.

Oghje, so duie borghi addrumintati ma a l'epica, eranu pupulati e bell'attivi. Ognunu avia a so chjesa e u so prete. A vi dicu, chi stu puntu è impurtante per cio chi a da vene.

Dunque, u quindeci d'aostu per l' " Assunta Gloriosa ", ci era a messa di sicuru, e un bellu pranzu e dopu, quandu u caldu era menu forte, versu cinq'ore, una partita tra e squadre di San Petru et San Tumasgiu. Duie o tre ghjorni nanzu, smachjavanu un tarrenu indé un locu situatu a pocu pressu tra i duie paesi. Perche u pallo ? Umbeh, mi pare chi i a reputazione di Sansonetti e di tant'altri ne avia fattu nasce u gustu. Ma era sopra tuttu un manera di sorte in famiglia, di finisce a festa a l'infora e, l'avete capitu, l'assicurenza per quelli ch'avianu da vince di pudè macagna quelli ch'avianu persu. E quessi qui, aspettavanu a so rivincita e tuttu era d'incantu ! Di bellu ghjocu un si ne parlava. U pallo era piu spessu fora chi nentru e quandu ci era qualchi bellu colpu, era piu l'azardu chi a tecnica. E cume, i ghjucadori eranu piu sgalabati l'unu chi l'altru, i " scopi " per un di " les buts ", eranu numarosi e quandu unu marcava, tuccava a l'altru di risponde subitu. Un chjama risponde incu un pallo ! Cusi l'onore era salvu e fistosu l'umore.

Iè ma..l'annu nanzu l'affaru chi vi vogliu spiegà, e cose si n'eranu andatu di male. A squadra di San Tumasgiu s'era prisintata incu un novu ghjucadore. A figliola di Battista, maritata in cuntinente, s'era affacata in paese per e vacanze chi vulia prisintà u so maritu a a famiglia. E u ghjovanu, ellu u pallo, un manighjava. Di sicuru, l'avianu subitu pigliatu in squadra quante un'arma sicreta.

I Sanpetracci un n'eranu tantu statu da capisce. U merlachjone si tenia a mezzu tarrenu, aspittandu u pallo e appena ricossu, avia corsu sin' e gabbie di San Petru, schivandu l'unu, evitandu l'altru, squassandu u terzu ..per marcà u primu puntu. U tintu bardianu chi si chjamava Ghjuvan Battista, mancu un n'avia scusicatu. U pullastru cuntinentale curria cusi prestu ch'ellu paria a palla di u fucile e cambiava di direzzione quante un cane chi cerca da parà i calci.

Una mezz'ora scorsa, u spusatu ne avia sciaccatu quattru, tutti listessi. I tinti Sanpetracci eranu sfundati e ci vole da dilla, puru umiliati. E macagne crudele si sentianu. Appuntavanu l'anche ma l'altru, veru fullettu, saltava quante un caprettu. " Incitatelu ! " mughjavanu l'arrabiati di San Petru, fatelu cascà, aio semu a a risa….Ma un ci era nulla da fà. U tipu senza capisce ch'ellu pigliava belli risichi cuntinuava a fali scimisce. Pocu nanzu u mezzu-tempu, torna un puntu ! Ghjuvan Battista era surtitu di a gabbia quante un scemu, l'anche aperte chi parianu furbici per taglialu ma stu diavulu di ghjucatore l'avia schivatu una volta di piu. Avia fattu passà u pallo tra l'anche di u so adversariu e in vece di stà zittu, avia mughjatu in francese " Petit pont ! !".. Pare ch'ellu seria cusi ch'omu chjama stu colpu particulare.. Ma..Ghjuvan Battista u francese u capia a pocu pressu quante lu capia u pallo. Puru male ! I spettatori l'avianu intesu mughjà " m'a trattatu di petit con " prima ch'ellu saltessi nant'a lu tintu disgraziatu per sciaccali una frambata di ligenda.

L'azzufu era statu generale chi i San Tumasginchi s'eranu subitu affacati per aiutà. Di sicuru i San Petracci un l'avianu lasciati fà chi eranu puru nervosi .L'arbitriu, prim'adjuntu mi pare, chi vulia fà u paceru s'era fattu tribbià anch'ellu e tutti, ome e donni, vechji i zitelli s'eranu techjati di colpi, di schiaffi, pilatoghje e altri calci. A partita s'era arristata subitu ma tra i duie paesi, l'ambiante era divintuta puzzicosa.

I ghjorni, settimane e mesi dopu, ogni volta chi l'unu o l'altru si truvavanu, una macagna di troppu, una parullaccia e torna a Vignale..baruffa. U peghju era per stu tintu Ghjuvan Battista, v'arricurdate u bardianu, ch'un pudia vede un Sanpetracciu senza sentesi dumandà, s'ellu era passatu per u " petit pont ". In francese, incu l'accentu pinzutu ! Un girava piu u cantone e un parlava chi di vindetta. Vindetta ! A partita da vene, prumittia di esse sanguinosa.

Pochi ghjorni nanzu quella rivincita, i duie prete, Prete Ghjuliu di San Petru e Prete Marcu Maria di San Tumasgiu s'eranu pigliatu apputamentu. D'accusentu per una cosa..ci vulia ch'ella tornessi a pace. Prete Ghjuliu s'avia pinsatu una cosa . Spieco a u son cumpare chi per impedisce l'inciuffate, tuccava a ellu di arbitrà. A ghjente un osaria mai proferi ghjastemi, cumincià qualch'intuppu in presenza di un prete e sopra tuttu, un cuntestarianu mai e so sintenze, a ellu chi riprinsitava quantunque u Signore nant'a sta terra.

Prete Marcu Maria era d'accusentu ma e regule di u pallo un ne cuniscia manc'una acca. Un face nulla, ô cumpa, li rispundo tandu Prete Ghjuliu. U to sacristanu, stu bravu Pasquale, ellu i cunosce e regule, chi a ghjucatu a u pallo quand'ellu era a u liceu in Bastia. Eppo sera vicinu da u tarrenu mentre a partita. Basta, chi quandu un sai micca cio chi tu ai da fà, chi tu pesi u ditu cume si tu dumandava l'avisu di Diu, e a tempu fighjularè prestu prestu a Pasquale, chi ellu ti fara capisce incu lu manu, a dicisione ghjusta ch'ellu ci vola da piglià. Quale a da criticà u ghjudiziu divinu ?

U quindeci d'aostu, incu un silenziu pisante, e duie squadre s'eranu prisintate. U cuntinentale s'era fattu scusà. Una scruchjetta assai diplumatica, diceremu. E squadre belle nervose avianu cuminciatu a partita, per un di u scontru, appuntandu piu vulinteri i schinchi chi u pallo. Subitu, Prete Marcu Maria avia adupratu a tecnica spiegata per Prete Ghjuliu. Faccia nice d'invucà u celu ma agguardava di sottu u sacristanu chi, discretamente, li facia vede u veru culpevule e li sussurava a decizione. L'arbitru, dunque, un si sbagliava mai o pocu.

Ma, i San Tumasginchi, un ci vole micca a pigliali per scemi. A sapianu bè, chi u so prete, a u pallo u ci cuniscia nulla. Avianu capitu bellu prestu chi l'arbitru un era micca in celu, ma indè u so gruppu. S'eranu tandu avvicinati di u tintu sacristanu e li avianu fattu capisce incu belle pittughjate induve si truvava u so interessu. Pasquale, di Corneille u scrivanu francese un ne avia mai intesu parlà. A curnachja era per ellu st'acellu neru chi vola in banda a sera vicinu a a petra di l'Arimone. Ma, a so scelta corneliana, si omu si po di, fu prestu fatta. Tra una concia e e regule, un ci era tantu da scumbatte. E cusi, a sapete ch'ellu si torce spessu u nasu di a ghjustizia. E pianu, pianu, l'arbitratu di u Prete era divintutu assai urientatu. Pudianu fà cio ch'elli vulianu i San Tumasginchi, Prete Marcu Maria pisava u ditu e li dava sempre raggio ! I Sanpetracci eranu casticati quand'elli minavanu ma dino quandu li ricivianu. E piu viaghjava l'affaru, piu ne pigliavanu.

Prete Ghjuliu un cuniscia nulla a e regule ma ancu un cecu si seria avvistu chi l'inghjustizia s'era impatrunita di a partita. Era ancu impauritu in veru chi st'inghjustizia si pigliava a forma uffiziale di un decretu divinu annunciatu da un prete !

L'abitanti di i duie paesi anu tandu vistu una cosa incredibile ! Un prete saltandu in furia nant'a u tarrenu, agguantandu un altru prete per techjalu di colpi mughjandu a tempu " ti ne era rimessu a Diu e ava se in manu di Satanassu ! ! " L'altru ch'un pudia capisce ch'avia sempre seguitatu i cunsigli di u sacristanu, un s'era micca lasciatu fà. I duie prete si vultulavanu, cimicandusi, fragandusi..basta..un azzuffu di quelli. Vergugnosi, i paesani l'avianu, in fattu fine, separati et ognunu era turnatu in casa soia..a a mutesca.

Ninsunu un vulia piu sente parlà di st'affaru ch'un seria surtitu di u cantone ma Prete Ghjuliu, sicuru di qualchi colpu di u diavulu, si n'era falatu in Aiacciu per dumandà a u sgio Vescu ch'ellu sia fattu un scunghjuramentu per u so cumpare. Monsignore X, amparatu dopu une inchiestra, avia allora pruibitu chi u pallo, strumentu di discordia, sia torna praticatu in questa regione. Avia dino ordinatu a i duie preti di fà penitenza e di racunciassi. Ma a verita cumanda e so obligati di di chi, u si so piu parlatu sin'a so morte.

Après tant d'années, je crois que je peux raconter pourquoi il n'y pas plus le 15 août de match de football entre les villages de Saint Thomas et Saint Pierre. Oh, bien sûr ce ne sont pas là les vrais noms des villages. Mais voyez vous, je retourne dans la région de temps à autres et je n'ai pas envie de recevoir un coup de bâton pour avoir pis sur la place publique, des histoires dont personne n'est trop fier et que les vieux aimeraient voir oubliées. Et comme ces vieux ont le coup de bâton facile, on parlera si vous le voulez bien de Saint Thomas et Saint Pierre !
Ce sont aujourd'hui deux gros bourgs endormis mais à l'époque, ils étaient peuplés et bien actifs. Ils avaient chacun leur église et leur prêtre. Je vous dis ça parce que ça a de l'importance pour la suite.
Le 15 août, la tradition voulait qu'il y ait une messe, suivie d'un repas et ensuite à la fraîche, un match de football entre les équipes composées de Saint pietrains et de Saint Thomasgins. Un terrain était débroussaillé et préparé à l'avance à mi-chemin entre les deux villages. Les exploits de Sansonnetti et autres avaient fait naître le goût pour ce sport. C'était aussi une manière de finir la fête dehors en famille avec l'assurance pour les vainqueurs de pouvoir se moquer des vaincus pendant toute l'année. Ceux-là attendaient leur revanche et tout allait pour le mieux. Il ne fallait pas s'attendre à du beau jeu ! La balle était plus souvent dehors que dedans et les exploits techniques étaient absents ou alors l'effet du hasard. Mais tout ceci faisait bien rire le public. Et comme les uns et les autres étaient, il faut bien le dire, très maladroits, les buts étaient nombreux et les parties se finissaient sur des scores serrés, chacun marquant à tour de rôle. L'honneur était sauf et l'humeur joyeuse.
Oui mais, l'année avant les événements fâcheux dont je veux vous parler, les choses s'étaient gâtées ! L'équipe de Saint Thomas s'était présentée avec un nouveau joueur. La fille de Baptiste, mariée sur le continent, était venu présenter son mari à la famille et le garçon en question, vrai joueur de ballon, avait été immédiatement aligné dans l'équipe, un peu comme une arme secrète.
Dès le début de la partie, les joueurs de Saint Pierre avaient eu une grosse surprise. Ce type là se tenait au milieu du terrain, attendant la balle et dès qu'il l'avait récupérée, il avait foncé vers les buts adverses, évitant un joueur, un deuxième, un troisième pour marquer le premier but. Le gardien, qu'on appellera Jean-Baptiste était resté sans bouger. Le type allait aussi vite qu'une balle sortie d'un fusil et changeait de direction aussi rapidement qu'un chien qui cherche à éviter les coups.
Au bout d'une demi-heure, le jeune marié avait marqué quatre buts, tous identiques. Et les malheureux Sanpetrains étaient non seulement écrasés mais humiliés car des rires cruels leurs arrivaient des bords du terrain. Ils visaient les jambes mais l'autre, véritable feu follet, sautait comme un cabri. Taille le.. criait un mais rien à faire, le bonhomme sans trop comprendre qu'il prenait de plus en plus de risques continuait à les rendre fous. Un peu avant la mi-temps, nouveau tir et nouveau but. Il avait évité une sortie façon commando de Jean-Baptiste et lui avait fait passer le ballon entre les jambes. Au lieu de se taire, l'animal avait nargué le gardien en lui criant en français " petit pont ". C'est comme ça à ce qu'on dit, qu'on nomme le fait de glisser le ballon entre les jambes de l'adversaire. Seulement.. Jean-Baptiste comprenait le français aussi bien qu'il jouait au football..C'est à dire très mal. Le public l'avait entendu hurler " il m'a traité de petit con "avant de le voir sauter sur le malheureux pour lui administrer une rouste de légende. La bagarre avait été bientôt générale car les Santhomasgins étaient venus aider leur équipier et les SanPetrains s'étaient mis aussi au milieu et bien volontiers car ils étaient très énervés. Le malheureux arbitre, premier adjoint de son état, qui avait voulu séparer les belligérants s'était lui aussi fait rouster et les spectateurs hommes et femmes s'étaient distribué généreusement gifles, coup de pied et coups de griffe. Le match s'était arrêté là mais l'ambiance entre les deux villages était devenu très mauvaise.
Les jours, semaines et mois suivants, à chaque fois qu'un ou l'autre se rencontrait, une macagna de trop, une parole malheureuse et c'était l'incident. Le pire était pour ce pauvre jean-Baptiste qui ne pouvait croiser un SanPetrain sans que celui-ci lui demande en français s'il était arrivé en passant par le petit pont. Il avait fini par éviter de croiser ses anciens amis et ne parlait plus que de vengeance. Vengeance ! Le prochain match promettait d'être sanglant.

Quelques semaines avant cette revanche attendue, les deux prêtres Frère Marc Marie de Saint Thomas et Jules de Saint Pierre s'étaient donné rendez vous. Ils étaient d'accord sur une chose. La paix devait revenir. Frère Jules avait une idée. Il dit à son confrère que pour empêcher les bagarres, c'était à lui d'arbitrer le match. Les gens n'oseraient pas se battre entre eux en présence d'un prêtre et surtout ne contesteraient pas les décisions de l'arbitre. Frère Marc Marie était d'accord sur le principe mais n'y connaissait rien en ballon ! Pas grave lui avait répondu Frère Jules, Toussaint mon bedeau sera dans les tribunes et lui connaît les règles. Il a joué au football quand il était au collège à Ajaccio. Il suffira quand une action pose problème que tu lèves le doigt au ciel, comme pour prendre l'avis du Seigneur, et tu jetteras un coup d'œil à Toussaint qui te dira par geste qui doit être sanctionné. Personne ne contestera le jugement de Dieu !

Le 15 août, dans un silence assez lourd, les équipes s'étaient présentées sur le terrain. Le marié continental s'était fait excuser. Un lumbago qui avait tout de diplomatique. Les équipes très nerveuse commencèrent de jouer en visant davantage les tibias que le ballon Dès les premiers chocs, Frère Marc Marie mit en œuvre la technique expliquée par son collègue. Sifflant fort et levant avec énergie le doigt au ciel, il interrompait le jeu. Il feignait d'invoquer le Seigneur en jetant un bref coup d'œil au bedeau qui d'un signe de la main lui désignait le coupable et lui murmurait la décision à prendre. Il ne se trompait donc pas ou peu.

Il ne fallait pas prendre les habitants de San Petru pour des imbéciles. Ils savaient bien que le prêtre ne connaissait rien au ballon et avaient vite compris que le véritable arbitre se trouvaient parmi eux ! Ils s'était donc rapprochés du malheureux bedeau et lui avaient fait comprendre avec quelques bourrades où était son intérêt. Toussaint n'avait jamais entendu parler de Corneille ni de choix cornélien. La corneille était pour lui un oiseau noir qui tournait en bande le soir au-dessus de la pierre de l'Arimone. Mais, entre se prendre une rouste et bien arbitrer, son choix avait été vite fait. C'est comme ça qu'on tord souvent le nez à la justice. Et petit à petit, l'arbitrage du malheureux curé était devenu très orienté. Les SanPetrains pouvaient faire n'importe quoi, l'arbitre levait les doigts au ciel et leur donnait raison. Non seulement les SanThomasgins étaient punis quand ils donnaient des coups mais ils étaient aussi punis quand ils en recevaient. Et ils en recevaient de plus en plus.

Frère Jules ne connaissait rien aux règles du ballon mais même un aveugle aurait vu l'injustice qui frappait l'équipe de son village. Il était d'autant plus effrayé que cette injustice prenait la forme très officielle d'une décision divine annoncée par un prêtre ! !

Les habitants des deux villages virent alors une chose tout à fait inattendue. Un prêtre entrant sur le terrain, sautant sur un autre prêtre, lui distribuant quelques belles gifles en hurlant " tu t'en étais remis à Dieu et tu es dans la main du Diable ". L'autre ne comprenant pas ce qu'on lui reprochait et ne se laissant pas faire, les deux prêtres avaient fini par rouler par terre en se battant comme des chiens. Honteux, les habitants étaient venus les séparer et chacun était rentré chez lui.

Personne ne souhaitait parler de cette affaire qui n'aurait pas franchi les limites du canton mais Frère Jules, sûr d'une intervention diabolique, avait demandé à l'évêque qu'un exorcisme soit pratiqué sur son collègue. Monseigneur M. informé de la bagarre et après une courte enquête avait interdit que le football instrument de discorde soit de nouveau pratiqué dans la région. Il avait aussi ordonné aux prêtre de faire pénitence et de se réconcilier mais la vérité commande de dire qu'il ne se parlèrent plus jamais et ce jusqu'à leur mort.