Tempi d'una volta
Tempi d'un volta
un zitellettu innafantatu da e fole ch'ellu sentia a veghja,
ma chi, mancu per more, un averia lasciatu a so piazza .
Zii e zie li parlavanu di e " streie " chi venenu, travestite in bellule,
per suchjà u sangue da e criature indè i beculi, passandu per
u chjavaghjolu. Li contavanu cumu a nebbiaccia chi si pesa, capinsu, versu a
Caprunale, è populata da spiriti, i lagramenti, chi u so mughime arrica
tantu a paura a u viaghjadore, ch'ellu finisce per lampassi in qualchi pricipiziu.
Li facianu sente stessu u rimore di a carriola da i morti , a squadra d'arrozu,
ch'agguantanu l'anime da i passante, persi a notte per questi chjassi abbandunati.
U zitellu amparava chi un ci vole micca francà u ghjargalu senza lampacci
una petra per alluntanà i spiriti di quelli chi stanu sotta a l'acqua.
Omu citava in gran' sicretu, l'omu o a dona chi era mazzeru o mazzera. U cacciadore
notturnu, chi si ne va indè a macchja per caccidià, tomba una
fera e vede subitu a faccia di qualchi paesanu. A morte di questuqui un era
tantu a ghjunghje. Timutu era u mazzeru chi cuniscia i sicreti di u destinu
e sappia parlà incu l'animali e a natura.
Stu mondu chi u zitellu scupria era magicu pienu d'ovi chi un divintavanu mai
fracichi, perche eranu stati fatti u ghjornu di l'Ascinzione e facianu piantà
u tempurale. U pane di San Antone assicurava e case.
Ci era a l'infora, a bughjicone, mortuloni cattivi e qui, vicinu a lampana a
pitroliu, quelli chi sappianu e sosule per cumbatteli. Una notte di Natale,
a so Mamma li amparo e preghere per crucià l'occhju. Un a micca avutu
u tempu di amparaline di piu
U zitellu è divintatu un omu. Ellu sa chi tuttu que è a prova
chi i Corsi anu di cascu questa vicinanza incu a natura e a memoria di certe
cose venute da i primi tempi, sminticate altro. Ellu sa dino chi questa sapienza
si perde e ch'ellu si perde incu n'ella un pezzu di piu, da cio chi no semu.
St'omu, oltru quelle infrasate, vulerebbe simplicemente chi quelli chi l'anu
da leghje appianu sempre in mente e in core, tutte ste storie e incu n'elle,
quelli chi cunuscianu l'arcani e anu raghjuntu ava a pinumbra .
Ci so i ghjorni ch'omu vulerebbe tantu esse impauritu torna
.
Il était une fois
Il était une fois
un petit garçon épouvanté
par les histoires qu'on lui racontait à la veillée mais qui n'aurait
laissé sa place pour rien au monde.
Les oncles et tantes lui parlaient des sorcières qui viennent, déguisées
en belettes, pour sucer le sang des bébés dans les berceaux en
passant par le trou des serrures. Ils lui racontaient comment le brouillard
qui se lève, là haut, vers Caprunale est peuplé d'esprits,
les lagramanti, dont les hurlements font tellement peur au voyageur qu'il finit
par se jeter dans un précipice. Ils lui faisaient entendre le bruit de
la charrette des morts qui saisissent les âmes des passants perdus la
nuit sur les chemin déserts. L'enfant apprenait qu'on ne devait pas traverser
un torrent sans y jeter une pierre pour éloigner les esprits de ceux
qui vivent dans les eaux.
On lui désignait en secret, l'homme ou la femme qui était mazzeru.
L'esprit chasseur, qui la nuit part dans le maquis, tue un animal et voit alors
le visage de quelqu'un du village. La mort de celui-là était proche.
Le mazzeru était craint car il connaissait le secret du destin et parlait
aux animaux et à la nature.
Ce monde que découvrait l'enfant était magique, peuplé
d'ufs qui ne pourrissaient pas parce qu'il avaient été pondus
le jour de l'Ascension et arrêtaient les tempêtes. Le pain de Saint
Antoine protégeait la maison.
Il y avait dehors dans la nuit noire des esprits malveillants et là autour
de la lampe à pétrole ceux qui connaissaient les recettes pour
les combattre. Une nuit de Noël, sa mère lui apprit même les
prières pour combattre le mauvais il. Elle n'eut pas le temps de
lui en apprendre d'autres.
L'enfant est devenu un homme. Il sait que tout cela est la preuve que les Corses
ont en héritage une grande proximité avec la nature et la mémoire
de choses venus des premiers temps, qui ont été oubliées
ailleurs.
Il sait aussi que cette connaissance se perd et avec elle un morceau supplémentaire
de ce que nous sommes.
Cet homme à travers ces quelques lignes voudrait tout simplement que
ceux qui vont le lire n'oublient pas ces histoires et avec elles, ceux qui connaissaient
les secrets et ont rejoint à leur tour le royaume des ombres.
Il y a des jours où on aimerait pouvoir avoir peur de nouveau.